Liberalizmi si doktrinė...

 

LIBERALIZMI DJE DHE SOT

Shkruan: Elife LUZHA

______________________________________________________________________________________________________________________________________

    

     Organizimet e shoqėrisė njerėzore kanė kaluar nėpėr njė varg sistemesh, tė cilat pashmangshėm ndikuan nė kanalizimin e rrjedhave pėrgjatė historisė. Nė kuptimin mė tė thjeshtė tė fjalės, sistemi pėrbėn ide tė ndėrlidhura me rregulla, respektimi i tė cilave krijon, siē thoshte Aristotel, “rend midis njerėzve tė cilėt jetojnė nė shtet”. “Nė tė kundėrtėn”, vazhdonte ai, “mospėrfillja e atyre rregullave do tė shkaktonte kaos”.

 

               Ėshtė thėnė se periudha e mitologjisė greke pati njė sistem tė shkėlqyer sa i  pėrket qeverisjes me problematikat e shoqėrisė nė atė kohė. Hyjnorėt e Olimpit me Zeusin Zot, i pėrmbushnin tė gjitha detyrimet nė bazė tė pushtetit qė kishin. Megjithatė as sundimi i Zotit Zeus nuk qe i pėrjetshėm. Shekuj mė vonė Edmund Bruke gjykonte se “Absolutizmi dhe tė drejtat hyjnore ishin modelet e fundit politik, si formė e qeverisjes sė lashtė”. Qeverisja me elemente liberale, apo sundimi i shumicės (polyarchy), i dha fund qeverisjeve tradicionale hyjnore, autokratike e oligarkike dhe qė nga shekulli V p.e.s. (kur edhe u paraqit) e deri nė shekullin VI p.e.s., ekzistoi vetėm nė Athinė. Qė nė atė kohė burrėshtetasi athinas, Perikleu, tė gjithė qytetarėt i kishte shpallur tė barabartė para ligjit. ”Asnjė qytetar nuk mbetet jashtė punėve tė shtetit, nėse ai mund tė kontribuojė”, thuhej nė dekretin e tij. Po nė kėtė vijė gjykimi, shekuj mė vonė, Presidenti amerikan Xhekson sikur e plotėsoi vendimin e Perikleut, duke shtuar: “Jo vetėm administrata, por tė gjitha postet zyrtare shtetėrore i takojnė popullit”. Veēuam kėta shembuj pėr tė dėshmuar rrugėtimin qindrashekullor tė qeverisjes liberale, tė cilėn Linkoln do ta quajė: “qeverisje e popullit nga populli dhe pėr popullin”.

         Fjala liberalizėm rrjedh nga fjala latine “liber” qė do tė thotė “i lirė”. “E liria ėshtė e drejtė pėr tė bėrė gjithēka qė ta don zemra, pėrveē asaj qė bie nė kundėrshtim me lirinė e tjetrit” thoshte Konica ynė i madh. Xhon Loku gjykonte se njerėzit nga natyra janė tė barabartė dhe tė lirė, prandaj “jo qeveria por natyra i pajis njerėzit me tė drejta natyrore”. Ishin pikėrisht kėto parime qė u mbėshtetėn nė Deklaratėn Amerikane pėr Pavarėsi si dhe nė Deklaratėn pėr tė Drejtat e Njeriut, dalė nga Revolucioni Francez. Me njė fjalė idetė iluministe tė shekullit XVIII dhe sidomos Revolucioni Francez, me sloganet e njohura pėr “Liri” dhe “Barazi” i kontribuuan zhvillimeve liberale, apo lindjes sė liberalizmit klasik qė pasoi me ndarjen e pushteteve: Legjislativit, Ekzekutivit dhe Gjyqėsorit.

     Nuk ka dyshim se nėn ndikimin e Revolucionit amerikan,  por edhe atij francez, sistemi liberal si ideologji dhe praktikė politike pėr tė parėn herė u instalua nė Britani mė 1819 (atje njihet si lėvizje kombėtare), edhe pse ndarja e pushteteve si karakteristikė e sistemit liberal nė plotėni pėr tė parėn herė u realizua nė SHBA me kushtetutėn e vitit 1787. Gjithsesi kjo dėshmon traditėn liberale demokratike nė botėn anglosaksone tė njohur qė nga viti 1215 me “Magna Karta”, (Magna Carta 1215 - Sh.B) nėpėrmjet sė cilės pushteti i sovranit (mbretit) u kufizua me ligj dhe parlamentarizmin britanik, tė praktikuar qė nga vitit 1689, pas fitores sė Parlamentit mbi Monarkinė.

     Liberalėt (Niēe i quante inferiorė, kurse Marksi i quante borgjezė qė synojnė t’i legjitimojnė pozicionet e veta sipėrore), njihen si mbrojtės tė meritokracisė, mbėshtetės tė arsyes, bindjes e drejtėsisė. Konkurrenca mes partive politike si dhe ajo nė ekonomi, janė karakteristikė qė e pėrgjithėsojnė kornizėn e sistemit me qeverisje liberale. Duke lartėsuar kėto vlera, Xhon Rolls ishte i mendimit se shteti liberal “mundet dhe duhet tė jetė njė siguri dhe drejtėsi pėr shoqėrinė”. Por kjo nuk mund tė arrihet pa avancimin dhe respektimin e autoritetit ligjor, ngase “nė jetėn e pėrditshme liritė dhe tė drejtat nuk janė tė pa fundme, ato duhen kufizuar, sepse vetėm kjo sjell shtetin e sė drejtės” gjykonte Kant.

     Gjykuar sipas teorive politike, para se tė konsolidohej konstitucionalizmi, qeverisjet liberale ishin tė brishta. Studiuesit gjykojnė gjithashtu se zhvillimet ekonomike janė faktori vendimtar pėr suksesin e njė qeverisje liberale. Me kėtė pajtohej edhe studiuesi i demokracisė konsociative, Limphart, i cili ndėr faktorėt pėr sukses tė demokracisė liberale rendit edhe pluralizmin social, kulturėn politike si dhe pėrbėrjen homogjene tė popullsisė. Pikėrisht mungesa e kėtyre faktorėve, por edhe pėrhapja e ideve socialiste pas viteve 1800 (kur u shėnuan pėrplasje tė mėdha mes liberalėve dhe socialistėve), e penguan shtrirjen e liberalizmit demokratik. Duke marrė kėtė shkas studiuesi Filo, vitet 1815-1870 i karakterizon si “vite tė agjitacionit liberal”, me rezultatet e dukshme tek nė vitet 1870-1914”. Ndryshe kėto njihen edhe si vitet e evoluimit tė liberalizmit drejt demokracisė dhe pothuaj tė gjitha shtetet evropiane dominoheshin nga qeverisje konstitucionaliste. Por ishte kriza ekonomike e vitit 1920, e njohur si “Depresioni i madh” qė edhe njėherė e zmbrapsi shtrirjen e ideologjisė liberale.

     Nė kėtė kohė klika e Ahmet Zogut edhe nė Shqipėri e pėrmbysi qeverisjen demokratike tė Fan Nolit, e njohur si demokraci e parė parlamentare nė rajon. Tė dhėnat e vitit 1920 na japin njė pamje mė tė detajuar rreth ndryshimeve sistemore qė ndodhėn atė kohė, sipas tė cilave ekzistonin 35 qeveri kushtetuese, numėr ky qė u zvogėlua nė 17 mė 1938, pėr tė rėnė nė 12 qeveri tė zgjedhura me votėn e lirė mė 1944. Pas vitit 1945 idetė e Rusveltit e ndihmuan fitoren e liberalizmit nė Perėndim, pėrderisa njė pjesė e madhe e Evropės, pėrfshirė Shqipėrinė edhe pėr gjysmė shekulli do tė sundohet nga diktatura famėkeqe komuniste.

     Sipas Limphart mė 1980 kishte vetėm 50 vende me qeverisje demokratike, madje jo tė plotė. Sot, nga mbi 190 shtete tė botės, 123 prej tyre (pėrfshirė Shqipėrinė dhe Kosovėn), zbatojnė modelin e qeverisjes liberale. Falė shtrirjes sė ideve liberale e ashtuquajtura ideologji komuniste me produktin e vet totalitarizmin vrastar pėrfundoi e dėshtuar. Kjo u ndje sidomos nė fundshekullin e kaluar, pas rrėnimit tė Murit tė Berlinit mė 1989, por edhe nė fillimshekullin tonė, me pėrmbysjen e diktaturave disadekadėshe edhe nė Tunizi, Egjipt e Libi. Sipas shkencave sociale “fenomenet politike janė produkt i faktorit social”. Dhe nė fakt mobilizimi social dhe zhvillimet politike janė rezultat i modernizimit shoqėror. E kjo vjen nga “integrimi nacional”, thotė Hatington.

 

EKONOMIA LIBERALE

 

 

“Shtrėngimet politike dhe ekonomike janė kėrcėnimi mė i madh pėr lirinė individuale”. Hayek

 

 

     Krahasuar me sistemet tjera politike, sistemi me qeverisje liberale ka treguar jetėgjatėsinė mė tė madhe nė histori.  Pa dyshim se liria dhe e drejta e individit pėr tė zgjedhur lirshėm si dhe ekonomia e tregut janė karakteristikat e veēanta qė pėrbėjnė edhe bazėn e kualitetit dhe jetėgjatėsisė sė kėtij sistemi. E “liberalizmi ekonomik ėshtė bazė edhe e atij politik” vlerėsojnė studiuesit. Nė fakt ndarja mes publikes dhe privates ėshtė e njohur qė nga Republika Romake, megjithėse politika tė caktuara shtetėrore si veprimtaritė ekonomike, ishin tė mbrojtura me ligj, pasi vetėm kėshtu parashihej zhvillimi ekonomik, e me kėtė edhe fuqizimi i kombit. Ekonomia e mirėfilltė liberale filloi tė zhvillohet nė shekullin e tetėmbėdhjetė, me lindjen e liberalizmit klasik apo teorisė “Laissez-faire”, e cila nėn vazhdėn e ideve iluministe mbronte parimet e “lirisė natyrore” edhe nė ekonomi. Themeluesi i saj, Adam Smith kritikonte markantalizmin dhe kundėrshtonte ndėrhyrjen shtetėrore nė ekonomi. Ai gjykonte se ekonomia ėshtė “degė ndihmėse e urtėsisė qeverisėse”, prandaj shteti duhet tė luajė rolin e vet nė mbrojtjen e pronėsisė, pasi ėshtė parakusht pėr investime dhe zhvillim ekonomik. Nė kundėrshtim me teorinė marksiste, Smith, ishte i bindur se: “jo shteti, por ekonomia e zhvilluar nga dora e padukshme e tregut tė lirė,  mund tė sjellė barazinė shoqėrore”. E kjo do tė rezultonte me zhdukjen e klasave dhe minimizimin e kundėrthėnieve ideologjike qė vijnė si pasojė e statuseve tė ndryshme sociale. Por viti 1870 shėnon fundin e teorisė laisez-faire dhe tė liberalizmit klasik.

     Zhvillimet politike dhe sidomos shtrirja e ideve socialiste nė atė kohė i kontribuuan lindjes sė njė epoke tė re, asaj tė liberalizmit modern apo shtetit tė mirėqenies sociale. Njė kontribut meritor nė kėtė drejtim i dedikohet teorisė sė Kejnsit, i cili duke kritikuar teorinė e A. Smithit mbėshteste ndėrhyrjen shtetėrore nė ekonomi. Madje sipas tij, ndėrhyrja nė veprimtarinė ekonomike dhe sociale ėshtė “detyrim shtetėror”. Ai vlerėsonte rėndėsinė e menaxhimit tė politikave fiskale, pasi sipas tij “pėrcaktojnė shkallėn e zhvillimit ekonomik dhe papunėsisė sė njė vendi”. (Vallė e ēfarė do tė thoshim nė kėtė rast pėr Kosovėn, ku nga 65 mijė biznese vetėm 13 mijė janė tė fiskalizuara)?!

     Si doktrinė, liberalizmi modern, u ideua nga konservatorėt britanikė tė cilėt synonin ta pengonin shtrirjen e ideve socialiste, gjė e cila sipas tyre do tė kishte sukses vetėm duke ndėrtuar njė demokraci tė mirėfilltė liberale. Kjo pėrveē tjerash nxiti edhe ndryshimin e qasjes ndaj politikave sociale nga ana e kryeministrit britanik tė asaj kohe, B. Disrael, por edhe tė burrėshtetasve tjerė nė perėndim. Kėshtu, nė gjithė Evropėn u krijuan sistemet e ekonomisė mikse qė ēuan nė shtetėzimin e disa ndėrmarrjeve private si nė Britani dhe Francė.

     Me njė fjalė e ashtuquajtura epokė e liberalizmit modern apo kejnsianizmit i pėrballoi kohės edhe 30 vjet pas LDB, deri mė 1970, kur nėn ndikimin e teorive ekonomike me parullėn  “pėr tregun e lirė” u rishfaq nė horizont njė epokė e re, ajo e neoliberalizmit (forma mė e re e kapitalizmit), e cila nė njė mėnyrė e riktheu nė jetė teorinė e liberalėve klasikė, apo tė laissez-faire.

     Nė vitet ’80 tė shekullit tė kaluar, shtrirja e neoliberalizmit mori hov sidomos nė perėndim (nė SHBA me R.Regan dhe nė Britani me M.Thatcher, tė cilėt nėn ndikimin e teorisė sė Milton Friedman, e ndryshuan qasjen e tyre ndaj politikave ekonomike). Por, as atje nuk u realizua nė plotėni, sidomos kur kemi parasysh pėrpjekjet e dėshtuara tė znj.Thatcher pėr tė privatizuar shėrbimin publik shėndetėsor. Ideologjia neoliberale pėrjashton rolin kontrollues tė shtetit nė ekonomi. Pėrkundrazi, sipas neoliberalėve ekonomia e tregut ėshtė ajo qė pėrcakton politikat qeveritare. Megjithatė kriza e fundit financiare (me zanafillėn e saj nė SHBA, por e zgjeruar sidomos nė eurozonė) ka dėshmuar se ndėrhyrjet shtetėrore nė ekonomi janė tė domosdoshme pėr tė shpėtuar nga bankroti ekonomik, jo vetėm kompanitė e mėdha (si publike edhe ato private), por edhe vetė subjektivitetin shtetėror.  E kolapsi ekonomik mund tė ndodhė “aty ku tregu vepron krejt pa norma e rregulla, nga se aty ka njė dorė tė fshehur qė i ēon gjėrat pėr dreq” do tė thoshte Xhon Rolls.

    Me neoliberalizmin ndėrhyrjet, apo kufizimet shtetėrore nė ekonomi kanė marrė formė tė re veprimi dhe realizohen nėpėrmjet rregullave e standardeve tė pėrcaktuara sipas parimeve ndėrkombėtare, respektimi i tė cilave nė njėrėn anė pamundėson krijimin e monopoleve tė mėdha, kurse nė anėn tjetėr fuqizon konkurrencėn e lirė tregtare. Pėrkundėr faktit se zhvillimet e demokracisė e kanė zbehur besimin nė “fuqinė e dorės sė padukshme tė tregut tė lirė”, kurse neoliberalizmi po akuzohet si shkaktar i tkurrjes sė sovranitetit politik dhe financiar tė shteteve, shtrirja e ekonomisė sė tregut, duke i tejkaluar barrierat kombėtare e rajonale, gjithnjė e mė shumė po e ushtron ndikimin e vet nė mbarė hapėsirėn globale.

 

Prishtinė, 07. 02. 2012

 

 

ELIFE LUZHA

 

TĖ NDĖSHKOHEN KRIMINELĖT SERB!

 

© Pashtriku.org, Shkurt'2012