Shqiptarët një flamur kanë..!

FLAMURI SIMBOL I IDENTITETIT DHE

BASHKIMIT KOMBËTAR

Shkruan: Atdhe BUJA

Prishtinë, 05. XII. 2007

Njëri ndër simbolet më të fuqishme të identitetit të një shteti dhe kombit është flamuri. Është nderi, morali i një kombi pra flamuri nuk mund të ndryshohet ose të zëvendësohet pa u asimiluar ose ndryshuar më parë vetë kombi. Askush nuk ka të drejtë morale dhe ligjore ta prekë ndryshojë apo zëvendësojë, sepse përmes këtij flamuri identifikohet historia e popullit shqiptar që ndër shekuj dha shumë bijë e bija për këtë tokë dhe flamur që nga antika e deri te Shqipëria.

Flamuri jo që luan vetëm rolin në ngritje të moralit të popullit por ka edhe rolin i cili është i pazëvendësueshëm - bashkues, kur brenda një populli krijohen mjegullirat që të venë në dyshim, atëherë flamuri mbetet si simbol i fundit i bashkimit dhe identitetit të një kombi.

Identiteti kosovar në mjedisin kombëtar ekziston si një identifikim regjional sikurse që ekzistojnë edhe identitete tjera përbrenda Shqipërisë Etnike që i bashkon dhe i të njëjtit identitet kombëtar Shqiptar psh. identiteti Çamërisë, i Malësisë së Madhe etj.

Po të tentonim që të gjitha këto identitete regjionale ti kthenim në identitete kombëtare atëherë ne si komb do të shpërbëhemi ku do të zhdukej e gjithë historia jonë e lavdishme e cila nëpër shekuj nga luftërat e pandërprera kanë qenë për çlirim dhe pavarësi e Shqipërisë Etnike.

Deri më tani edhe historia jonë e lavdishme e ka vërtetuar që shqiptarët as me mashtrime, dhunë, gjenocid ushtarak e policor por që është më e rëndësishmja as vullnetarisht nuk janë nga ata që asimilohen. Jo gjerë më tani por edhe në vitet, shekujt e ardhshëm. Këtë do ta bënin vetëm tradhtarët dhe të marrët.

Nuk mund të krijohet një komb kosovar dhe në të njëjtën kohë të ruaj Gjuhën, Kulturën dhe Historinë Shqiptare, Flamurin. Po ti mohojë këto dhe të heqë dorë, ai do të jetë kombi më i varfër në botë sepse do mbetet pa histori, gjuhë, kulturë e flamur.

E gjithë Kosova dhe kosovarët do të mbesin pa shkrimtarët e famshëm shqiptar(Naim Frashëri, Gjergj Fishta etj.), pa heronj të ndryshëm (Gjergj Kastrioti, Ismail Qemaili, Adem Jashari etj.), për të vetmen arsye sepse të gjithë këta e kanë ndier veten shqiptar.