Taksat e qytetarëve të Kosovës në duar të korporatave të

bosëve të krimit ekonomik

DAMIR FAZLIQ FITON MILIONA EURO PREJ KEK’ut!

Biznesmeni serbo-boshnjak, Damir Fazliq vepron edhe në Kosovë përmes kompanisë së tij “Rudnap”. Miliona euro taksa të kosovarëve futen në xhepin e Fazliqit i përfshirë në afera të ndryshme kriminale në rajon. Përveq “Rudnap”, Zyra e Hetuesve të Komisionit Evropian (OLAF) ka raportuar se ka pasur parregullsi në kontratat KEK-EFT.Kryetari i bordit drejtues të kompanisë së Fazlliqit dyshohet se është edhe aksionar i kompanisë Energy Financing Team Limited (EFT).

Shkruan: Parim Olluri - Prishtinë, 12. 02. 2010

MAFIOZI DAMIR FAZLIQ FINANCOI FUSHATËN

ZGJEDHORE TË SALI BERISHËS

Miliona euro nga taksat e kosovarëve derdhen në xhepin e biznesmenit serbo-boshnjak Damir Fazliq. Ai përmes kompanisë së tij “Rudnap” ka fituar tenderin për furnizimin e Korporatës Energjetike të Kosovës me energji elektrike. Fazliq përfiton diku rreth 10 milion euro nga ndërmarrjet publike në Kosovë. Ndërkaq miliona euro ka fituar edhe në të kaluarën. Fazlliq është biznesmenë emri i të cilit është lakuar në një numër të madh të skandaleve në Bosnjë e Hercegovinë, Serbi dhe Kroaci. Fazliq, në Serbi njihet lider i mafies së duhanit.

Lexoni: Damir Fazliç’Balkanska mrezha!

Lexoni: Miku i Berishës, Fazliç, nipi i ish-shefit të UDB’së

Sa fiton “Rudnap”?

Aktualisht kompanitë e kontraktuara për import të energjisë elektrike janë Espada, EGL, EFT dhe Rudnap. Kompanisë së Fazlliqit i paguhet 119 euro një megavat energji elektrike e moduluar ndërkaq 132.7 euro i paguhet energjia emergjente. KEK-u ka lidhur kontratë me këtë kompani që prej datës 8 tetor, që në dhjetor të importojë nga 20-60 MWh. Kurse prej datës 8 tetor-mars 2009 të importojë nga 10 Megavat energji elektrike në orë. Ndërkaq kompania “Rudnap” është licensuar nga ZRRE-ja për të importuar energji elektrike në Kosovë edhe për përiudhën janar - qershor të vitit 2007. Kurse KEK-u zyrtarisht pati njoftuar se kontratat e lidhura pas çmimeve të negociuara janë rreth 4 milionë euro më të ulëta se sa ato që kishin rezultuar me anë të tenderit të hapur. “Çmimet sillen nga 119 euro në 132 euro për megavat, ndërsa çmimet e berzës për energji elektrike të enjten kanë qenë dukshëm më të shtrenjta duke u sjellur nga 131 euro deri në 152 euro për megavat”, pati njoftuar kjo korporatë.

Prokuroria në Shqipëri sekuestron dokumentet

e kompanisë ‘Rudnap‘

Në dhjetor të 2008-tës Prokuroria Përgjithshme në Shqipëri ka sekuestruar dokumente të kompanisë importuese të energjisë Rudnap, në kuadër të hetimeve për biznesmenin serbo-boshnjak Damir Fazliç, i cili është hetuar në Shqipëri për pastrim parash. “Dokumente të kësaj shoqërie u sekuestruan te Korporata Elektroenergjetike Shqiptare, e cila ka importuar shumë herë nëpërmjet Rudnap, përfaqësuesi ligjor i së cilës rezulton biznesmeni Fazliç”, ka theksuar gazeta “Shqip”. Kjo kompani nga KESH-i ka përfituar rreth 34 milionë euro.

OLAF: Trëkëndëshi i krimit energjetik EFT-KEK-“Artesia Bank”

“Rudnap” kompania e Fazlliq i cili në Sarajevë vlerësohet si pjesë e “nëntokës” nuk është rasti i vetëm i keqpërdorimeve në kontratat për import të energjisë elektrike. Në KEK tenderë shumëmilionësh fiton edhe kompania EFT. Kjo kompani sipas OLAF-it ka qenë pjesë e aferave të ndryshme me KEK-un. Kompania EFT me seli në Londër është pronë e aksionarëve Svetislav Bulatoviq, James Nye, Vojin Lazareviq dhe Vuk Hamoviq. Lazareviq del se është aksionar edhe i kompanisë “Rudnap”.

Sipas një raporti të Zyrës së Hetuesve të Komisionit Evropian ( “OLAF” ) të kryer në vitin 2008, gjatë blerjës së rrymës elektrtike, aktivitetet e KEK-ut që kanë të bëjnë më shitjen dhe blerjen e rrymës në mes të saj dhe ofruesve të tjerë të rrymës, janë ngritur deklarata serioze se fondet kane qenë të papërshtatshme gjatë transaksioneve. Këso rastesh sipas OLAF-it ka vërejtur raste të kompanive auditori special i Bosnjës dhe Hercegovinës, gjatë hulumtimeve në Elektro Privreda Republike Srpske-EPRS, dhe Energy Financing Team Limited-EFT. Kompania EFT ka fituar shpeshherë tenderë nga KEK-u.

“Diferencat në mes të shumave të paguara dhe vlerës së rrymës së furnizuar drejt KEK-ut, janë bërë me kompanitë të ndryshme si EPCG, NEK, Public Poëer Co, EPS, Mali i Zi, të cilat janë identifikuar si rrjeti ballkanik”, thekson OLAF. Ndërkaq sipas këtij grupi hetues janë vërejtur parregullsi që kanë të bëjnë më pagesat në një llogari bankare të ARTESIA Bank Luksembug. Sipas OLAF fondet e BE-së kanë devijuar destinacioni i tyre origjinal.

Ky rast i ngritur nga fondet e UNMIK-ut dhe BE-së, përmes AER-it, ishin të kanalizuara nga llogaria e bankës ARTESIA, në Luksemburg. 960680, nga instruksionet që të kreditohet drejt EPCG (shërbimi i rrymës për Mal të Zi). “Përfituesi nga kjo llogari thuhet se duket të jetë zotëri Vuk Hamoviq, një bashkëdrejtues i EFT-së”, thekson raporti.

Ndërkaq raporti thekson se të hollat me vlerë prej 7.8 milion dollarësh, ndoshta kurrë nuk kanë arritur EPCG-në, dhe ishin ndarë për përfitime personale përmes llogarisë së bankës ARTESIA.