S k a n d a l o z e

______________________________________________________________________________

KONSULLI GREK IKONOMUS

KORÇËN E QUAN VORIOEPIR!

______________________________________________________________________________

Në 20 vjetorin e themelimit të Omonias në Korcë, Konsulli grek Theodhoro Ikonomus, bashkë me dy deputetët grekë të Janinës dhe Follorinës, (Mihalis Pandulas dhe Stathis Theodhoridhis), duke e mbështetur idenë e regjistrimit të popullsisë në Shqipëri, që pritet të bëhet në prill të këtij viti, me këtë rast kanë kërkuar prej bashkëkombasve „grekë“ të Shqipërisë që të mos kenë frikë nga procesi i regjistrimit, dhe njëkohësisht u kanë bërë thirrje për bashkim në emër të Vorioepirit!

“Përshëndes grekët e Korçës sepse kjo që ndodh sot ju përket atyre. Do të jap edhe njëherë të njëjtin mesazh: Po, ekzistojnë grekë në Korçë. Po, vllenjtë janë grekë. Grekë, mos u trembni nga regjistrimi i popullsisë, të shpallni origjinën reale dhe të gjithë atyre që janë në dyshim dhe me frikë dhe pyesin veten jam me siguri grek, ju them një gjë, shkoni në varreza dhe shikoni varrezat e etërve dhe gjyshërve tuaj dhe gjuhën në të cilën janë të shkruar dhe merrni vendimin tuaj. Janë në gjuhën greke. Kjo betejë nuk mbaron me regjistrimin e popullatës, por nis me regjistrimin e popullatës greke.“ është shprehur Konsulli Theodhoro Ikonomus.

Në vazhdim Ikonomus ka thënë: „Eksistojnë të drejta të minoriteteve. Por këto të drejta duhet të vihen në funksion në të gjitha zonat e Shqipërisë të cilat përfaqësojnë emrin Voriepir. Ky është Vorioepiri. Në Vorioepir eksiztojnë grekë, kjo vërtetohet më tepër kur të regjistrohet popullata dhe të funksionojnë të drejtat e minoritetit që parashikohen në protokollin e Korfuzit 1914, i cili asënjëherë nuk është anuluar. Ju përshëndes ju greke të Korcës dhe do jem pranë jush në të gjitha momentet e vështira. Kurajo, shpresë dhe betejë”!

Në kohën kur konsulli dhe deputetët grekë i japin kurajo, dhe shpresë „grekëve“ të paqenë në Shqipëri, klasa politike në Tiranë ia hanë kokën njëri tjetrit!...

( Moderatori i www.pashtriku.org, 06. 02. 2011 )

TA NJOHIM ETNIKUMIN SHQIPTAR

SH Q I P Ë R I A

________________________________________________________________________

TA NJOHIM ÇAMËRINË

…