Në fokus

Si ta largoni vetminë?!

Të vetmuarit së paku nuk janë të vetmuar në një gjë – në vetminë e tyre. Kijeni këtë parasysh dhe kuptoni se ky problem aq i përhapur megjithatë ka ilaç. Kaloni nëpër këshillat e ardhshme, apo së paku nëpër disa prej tyre.

Kur të jeni vetëm

▪ Kujdesuni që të ushqeheni mirë dhe rregullisht të merreni me ushtrime trupore si dhe të flini mjaftueshëm. Njerëzit e lodhur janë të rëndë si për veten ashtu edhe për të tjerët. Pos kësaj edhe të tjerët do t’ju shkojnë në nerva.

▪ Kur të jeni vetëm, bëni diçka kreative apo mësoni aftësi të reja.

▪ Bëhuni të kënaqur me veten. A ka së paku diçka në të cilën jeni të mirë? Sigurisht nuk jeni person negativ në të gjitha drejtimet?

▪ Krijoni miqësi të reja. Kërkoni këshilla nga njerëzit më të moshuar dhe më me përvojë.

▪ Çmoni miqtë tuaj dhe tiparet e tyre të veçanta.

▪ Bëni diç për të tjerët – buzëqeshni, shpreheni ndonjë fjalë të mirë. Ndjenja se jemi të nevojshëm për dikë na ndihmon të mposhtim ndjenjën e vetmisë.

▪ Mësohuni që të flisni me të tjerët dhe t’i dëgjoni ata derisa flasin. Bëhuni zemërgjerë.

▪ Pranoni që jeni të vetmuar dhe flisni me dikë për këtë, me ndonjë mik të pjekur tek i cili keni besim. Mos vuani në vete.

▪ Mos jini krenar. Ua falni atyre që u kanë lënduar dhe bëni çdo gjë që marrëdhëniet mes jush të përmirësohen. Mos u bëni të mosbesueshëm ndaj tjerëve.

Mbani në mend se gjendja juaj, qoftë ajo edhe kronike, mund të ndryshojë.