Flet Koço Danaj për Agjencinë Informative Regjionale JUGpress

SHQIPTARËT DUAN NJË SHQIPËRI

Foto: Koço Danaj, Doktor i shkencave politike dhe Drejtor i Institutit për Prognoza Rajonale në Tiranë

Autori i Platformës për Shqipërinë Natyrale Koço Danaj në Intervistën dhënë JUGpress-it ka deklaruar se në fund të muajit Maj në Tiranë do të formohet Komiteti për realizimin e kësaj Platforme në të cilin do të ketë përfaqësues nga të gjitha trojet shqiptare, nga Presheva e deri në Çamëri (territor nga kufiri me Shqipërinë deri në qendër të Greqisë).

Danaj tha se “pret që Kuvendi i Kosovës së shpejti të shpallë bashkimin me Shqipërinë, së pari në baza konfederale”. “Pres gjithashtu që Maqedonia të ndërrojë formën momentale të shtetit duke e kthyer atë në baza federale. Marrëveshja e Ohrit e cila ende e mbanë Maqedoninë në këmbë tashmë është e vdekur, me këtë në esence është shuar edhe bashkjetesa mes shqiptarëve dhe maqedonasve, hapi i parë është Federalizimi dhe hapi i dytë bashkimi me Shqipërinë. Ka dy lloje të dhembjeve, njëra është dhembja për të vërtetën tjetra dhembja për mashtrimin, unë jam për llojin e pare sepse dhembja për të vërtetën është shumë më e lehtë se dhembja për mashtrimin”

Danaj, i cili dikur ka qenë këshilltarë politik i tre Kryeministrave shqiptarë Fatos Nanos, Pandeli Majkos dhe Ilir Metës tash Drejtor i Institutit për Prognoza Rajonale në Tiranë tha se është “kundër emërtimit Shqipëri e Madhe sepse ky emërtim është një koncept politik i cili doli pas marrëveshjes së Prillit 1941 Ribentrop-Cijano” “Shqipëria Natyrale tashmë nuk është vetëm një ëndërr, dëshirë apo vetëm perspektive por një problem  të cilit menjëher duhet ti gjendet një zgjidhje. Zgjidhja e këtij problemi nuk do të realizojë vetëm të drejtën e shqipatrëve për vetëvendosje por edhe do ti hapë rrugë paqes dhe mirëqënies në Ballkan. Shqipëria Natyrale është thelbësore për paqen dhe progresin regjional”. 

Sipas fjalëve të tij ardhmëria e këtij regjioni është “më e mire se gjendja e tanishme” “Ne mësojmë që njëri me tjetrin të flasim jo sipas dogmës klasike e cila quhet fqinjësi e mire por për problemet e mëdha të natyrës etnike” Sipas fjalëve të tij “ në demokraci, në qarkullim nuk janë vetëm njerëzit por edhe idetë dhe mallërat. Vetëm trojet nuk do të qarkullojnë”

Në pyetjen se çka sipas tij do të mund të ndodhë në trekëndëshin jugu i Serbisë, Kosovë dhe Maqedoni veri-perendimore dhe se a mundë të pritet atje jetë e qetë apo konflikte të reja Danaj tha se “ nuk është fare mire kur Ministri i Punëve të Jashtme të Shqipërisë shkon në Preshevë dhe nuk i lejohet shqiptarëve të atjeshëm ta presin me flamuj kombëtarë shqiptarë”

“Kjo tregon se nuk ekziston ligji për përdorimin e simboleve kombëtare edhepse ka gati një dekade që ekziston Marrëveshja e Konçulit” Ai megjithatë “është shumë i sigurtë” se “ në vend të armëve do të zhvillohet bashkëjetesa, përkatësisht dialogu për problemet kryesore etnike”

Në Platformë, përndryshe është cekur se motoja kryesore është dialog me këdo, dialog për gjithçka por pa vendosur paraprakisht asgjë. Nuk është e rastit që është potencuar se shqiptarët kanë derdhur aq shumë gjak saqë  do të mund ti bënin jo një po pesë Shqipëri. Prandaj nuk ka më nevojë për gjak. Deri dje flitej “të vdesim në këmbë” sot duhet të themi “të jetojmë në këmbë”. Në vend të armëve duhet dialog demokratik. Unë jam i sigurtë se bashkëjetesa është e pashmangshme por nuk pajtohem fare me disa, të cilët e përdorin bashkëjetesën për të mbuluar dhunën etnike ndaj këdo”.

Danaj është kundër “ harresës së historisë në emër të ardhmërisë sepse popujt pa histori nuk kanë ardhmëri” “Por jam edhe kundër atyre që vazhdojnë të jetojnë me historinë. Ajo na mëson të mos i përsërisim gabimet. Marrëveshja e Versajës ka qenë marrëveshje e dhunshme për disa popuj të Ballkanit prandaj edhe ndërkohë u përmirësua shumçka. Ka mbetur të riparohet dhe Marrëveshja e Londrës sipas së cilës edhe u nda populli shqiptarë. Përatë mendoj se populli shqiptarë dhe ai serb jetojnë shumë mire njëri me tjetrin kur secili jeton në shtëpinë vetë, kur janë të barabartë. Por në Kosovë shumçka është artificiale prandaj edhe u krijua Platformën për Shqipërinë Natyrale”

Në pyetjen se a është e mundshme bashkjetesa mes shqiptarëve dhe serbëve në Kosovë dhe sa është i gatshëm regjioni në përballjen me të kaluarën Danaj u përgjigj se “shumë më tepër pengon mentaliteti se cilido emër e mbiemër”. “Ka raste kur segment politike të caktuara janë shumë më të rrezikshëm se cilido emër i veçantë. Disa lider politik pandërprerë përmendin diktatorë të së kaluarës sepse intuita e tyre i nxitë të përsërisin krimet e tyre por prapa perdes së demokracisë. Për këtë është e patjetërsueshme të jesh demokrat i vërtetë dhe i emancipuar e jo të merresh me emra të kriminelëve. Për ta ekzistojnë organet përkatëse”.

Sipas fjalëve të tij “ky regjion duhet të ballafaqohet me të kaluarën që të mos përsërite ana e errët e saj. Të ballafaqohet me të drejtën e saj dhe jo me manipulimet e saja të mëdha. Ballkani nuk është më Delja e Zezë e Europës. Këtë regjion e kanë futur në ngatërresa të mëdha Marrëveshja e Londrës e vitit 1913 dhe Marrëveshja e Versajës e vitit 1919. Me këtë është krijuar një regjion artificial me shtete artificiale. Restaurimi tashmë ka filluar, patjetër duhet një Marrëveshje e re e Londrës, me pjesmarrje edhe të SHBA-ve, Marrëveshje e cila do ti hapë rrugë Shqipërisë Natyrale. E drejtë është që të ndodhë në njëqindvjetorin e Marrëveshjes së pare, 1913. Prandaj më duhet të them se fjala është për drejtësinë e vonuar. Për një jetë ndryshe si thoni ju, duhet që “drejtësia e vonuar” të mos jetë “drejtësi e cunguar”, tha në fund Koço Danaj. ( 13. 04. 2010)

KOÇO DANAJ: AMBASADORI PEROVIQ KA GËNJYER