TA NDIHMOJMË FAMILJEN E „NDERIT TË KOMBIT“ PETRO MARKO

_________________________________________________________

A R T I S T Ë T,

FUSHATË NË NDIHMË TË FAMILJES SË PETRO MARKOS

Shkruan: Alma Mile - 30. 04. 2010

Lexoni: Petro Marko në Enciklopedia e Lirë

Nga vajza e jugut, tanimë ka mbetur vetëm hija. Paska qenë i hidhur fati i Markove. Një sistem bie, ngrihet një tjetër, por vuajtja nuk dashkërka të ndalet. Në një apartament, që i ngjan më shumë një galerie arti, mes librash, dorëshkrimesh dhe pikturash, varur në mure me igrasi, gdhijnë dhe ngrysin ditët familja Marko, gruaja, djali dhe vajza e shkrimtarit Petro Marko. Askush nuk do ta besonte se familja e njeriut që mban titullin "Nderi i Kombit", sot po kalon momente tejet të vështira. Po përballen me fatkeqësi shëndetësore, të cilat bëhen edhe më të hidhura prej vështirësive ekonomike. Safoja, gruaja e shkrimtarit, tashmë 85 vjeç, ka mbërthyer shtratin, e pazonja të kryejë vetë asnjë shërbim, ndërkohë që edhe i biri, Jamarbëri, nuk gëzon një shëndet të mirë. Për ta kujdeset e bija, Arianita, një grua e dhembshur dhe e fortë. Fatkeqësisht e gjithë familja duhet të mbahet vetëm me pensionin e Safos. Për shkak të një aksidenti, Jamarbëri ka vite pa punë e po kështu edhe Aranita. Një gjendje absurde, nëse do të vendosësh në kandar, gjithë çka dhënë Petro Marko për letërsinë shqiptare e po ashtu edhe Safo në pikturë. E megjithatë, Arianita është një grua krenare dhe nuk do t’i kishte shtrirë kurrë dorën kujt për ndihmë. Ndaj janë miqtë e saj, që po ndërmarrin një "fushatë" sensibilizimi, për t’iu gjendur pranë.

Për më shumë klikoni në linkun poshtë:

ARTISTËT, FUSHATË NË NDIHMË TË FAMILJES SË PETRO MARKOS

______________________________________________________

Të nderuar bashkatdhetarë,

Pas këtij lajmi shumë të trishtuar për të gjithë ne, munda të lidhem me vajzën e shkrimtarit të nderuar Petro Marko dhe piktores së mrekullueshme Safo Marko, Arianitën, e cila më foli për kushtet jashtëzakonisht të mjerueshme që kalonte familja e saj: nëna e saj që vërtitej nëpër shtëpi si një skelet dhe vëllai i saj Jamarbër Marko, i torturuar në burgjet e diktaturës, që sot është katandisur në një invalid të përjetshëm… Si ka mundësi që kësaj familje nuk i është akorduar një pension special, në një kohë që Petro Marko ka edhe titullin “Nderi i Kombit”!? Si ka mundësi që djalit të tyre, viktimë e burgjeve të diktaturës, të mos i nxirret një pension invalidideti?!! Unë mendoj e shpresoj në vullnetin tuaj të mirë Sot do ta derdh edhe unë kontributin tim në konton e kësaj familje e do t’ju lutesha që këtë veprim timin ta ndiqni edhe ju, mbasi në këtë mënyrë respektojmë veten, mbrojmë dinjitetin e familjeve tona, ikonave tona me të cilat jemi rritur e formuar dhe trondisim ndërgjegjen dhe harresën e institucioneve dhe qeverisë shqiptare, e cila duhet të marrë masa të menjëhershme në këtë drejtim. Duke ju bashkangjitur të dhënat e kontos, do t’ju lutesha ta konfirmonit më pas kontributin tuaj. Edhe një here faleminderit për humanizmin dhe gadishmërinë tuaj!

Me respekt,

EDLIRA DEDJA

Pianiste, prof. e pianos në Konservatorin e Muzikës në Gjenevë, Deputete e Legjislativit në Neuchâtel dhe përfaqësuese e shtetit të Neuchâtelit në Komisionin e Kulturës dhe Teatrit regjional për periudhën legjislative 2008 - 2012. ( Lexoni këtu: shkrimet e Edlira Dedjas )

________________________________________________________________________

NDIHMONI EDHE JU!

Kontoja e Vajzës së shkrimtarit Petro Marko:

Emri: Arianita Marko

Banka: Raiffeisen Bank

Adresa e bankes: Raiffeisen Bank Sh.a., rruga e Kavajës, Tiranë / Albanie

Euro: IBAN:  AL31202110440000000001251473   (me Euro)

LEKE: IBAN:  AL81202110440000000000251473 (me Lekë)

_______________________________________________________________________

LEXONI:

PETRO MARKO - KUJTIMET E FËMIJËRISË NË NJË BLLOK SHËNIMESH