BE është bashkim kombesh, jo bashkim vilajetesh

DR.KOÇO DANAJ

BASHKIMI I SHQIPTARËVE ËSHTË EUROPEIZËM

„Si mund të integrohesh në BE me mentalitet pashallarësh. Vetëm se ke ndrruar kostumin dhe fjalorin politik? BE është bashkim kombesh, jo bashkim vilajetesh. Atëherë, bashkimi i shqiptarëve është europeízëm, gjendja e sotme e tyre është neootomanizëm. Berisha, Topi, Rama, Hashim Thaçi, Ahmeti, Menduh Thaçi, Haradinaj, Sejdiu etj etj shumë shpejt do t’ju duhet të zgjedhin midis europeizmit dhe neootomanizmit…. Ne sot jemi komb gjuhësor, po bëhemi me shpejtësi komb shpirtëror. Shumë shpejt do të bëhemi edhe komb politik“ - ka thënë Dr. Koço Danaj në një intervistë ekskluzive për gazetën Alibi News.

__________________________________________________________________________________________________________________

FLET KOÇO DANAJ: PLATFORMA E SHQIPËRISË NATYRALE

Alibi News: Partia opozitare shqiptare e zotit Thaçi ka radikalizuar kërkesat e saj që shkojne deri në një marrëveshje tjetër midis komunitetit shqiptar dhe atij maqedonas?

Dr. Koço Danaj: Nuk do ta quaja radikalizim këtë që thoni ju. Do ta quaja të tillë, po të lexoja për ndonjë platformë që synon hapur si qëllim afatshkurtër federalizimin e Maqedonisë dhe si synim afatmesëm bashkimin e trojeve shqiptare me Shqiperinë. Atë ditë që Menduh Thaçi do apo kushdo tjetër të kërkojë bashkim me Shqiperinë, unë do ta përkrah pa rezerva. Sa kohë që nuk ka një platformë të tillë nga asnjë parti politike, aq kohë nuk mund të flitet për radikalizim. Po a ka radikalizim të situates në Maqedoni? Ka radikalizim në Maqedoni, por atë po e ushqen nacionalizmi maqedonas. Shqiptarët nuk kanë të drejtë me ligj të përdorin Flamurin kombëtar dhe ky është radikalizim. Shqiptarët nuk kanë asnjë festë të kombit të tyre nga 6 festa shtetërore që ka Maqedonia dhe ky ëshë radikalizim. Gruevski harton Projektin Shkupi 2014 dhe ky është radikalizim.

Alibi News: Cili do ishte opcioni më i mirë për shqiptarët e Maqedonisë në projektin Shqipëria Historike? Maqedonia të ndahet!! Apo ...?

Dr. Koço Danaj: Projekti real për shqiptarët që jetojnë në trojet e tyre në shtetin pa emër, është bashkimi me shqipërinë. Në qoftëse duan të jetojnë si qytetarë europianë, në qoftëse duan të kenë sibole kombëtare, në qoftëse duan të mbeten shqiptarë. Varianti i parë drejt bashkimit me shqipërinë është ajo që quhet federalizmi i Maqedonise. Kush e ka studjuar mirë strategjine e Nikola Gruevskit nuk mund të mos e kuptojë se ai punon të ndajë Maqedoninë. Por këtë ndarje do që ta realizojë duke ju marrë sa më shumë troje shqiptarëve. Mjerisht, një pjesë politikanësh shqiptarë po i shkojnë pas avazit dhe po e ndimojnë atë. Cilat janë arsyet reale akoma nuk dihet, por dihet se janë shndërruar në ndihmës të tij, të paktën për përfitime personale.

Alibi News: Mendoni se projekti Shqipëria Natyrale, është i realizueshëm në kohën kur i gjithë rajoni thuaj se me të shpejt po hapëron drejt Bashkimit Evropian dhe NATO’së?

Dr. Koço Danaj: Po çfarë ka të bëjë integrimi europianë dhe NATO me Shqipërinë natyrale. Përkundrazi, e ndihmojnë krijimin e saj. Pa mendoni gjendjen e sotme të kombit shqiptar. Është një neootomanizëm i kulluar. Në vend të vilajeteve të dikurshme të perandorise turke, sot kemi mentalitetin e vilajetit. Vilajeti i Tiranës, i Prishtinës, i Tetovës, (sepse politkikanët shqiptarë e braktisën Shkupin), kemi kazanë e Preshevës, të Ulqinit etj. Si mund të integrohesh në BE me mentalitet pashallarësh. Vetëm se ke ndrruar kostumin dhe fjalorin politik? BE është bashkim kombesh, jo bashkim vilajetesh. Atëherë, bashkimi i shqiptarëve është europeízëm, gjendja e sotme e tyre është neootomanizëm. Berisha, Topi, Rama, Hashim Thaçi, Ahmeti, Menduh Thaçi, Haradinaj, Sejdiu etj etj shumë shpejt do t’ju duhet të zgjedhin midis europeizmit dhe neootomanizmit.

Alibi News: Keni publikuar edhe platformën tuaj, rreth projektit të ribashkimit kombëtar. Çfarë përmban ajo?

Dr. Koço Danaj: Përmban bashkimin e shqiptarëve në një shtet të vetëm. Si domosdoshmëri për paqe, progres dhe mirqenie rajonale. Përmban dialogun dhe debatin për arritjen e këtij qëllimi. Përmban të drejtën historike dhe reale të shqiptarëve për tu bashkuar. Pra është një ofertë moderne për paqe. Ata fqinjë që nuk e pranojnë këtë ofertë, do të thotë se nuk e duan paqen por luftën, do të thotë se i duan shqiptarët vetem si mercenarë, si objekte për ti satanizuar sa here janë vetë në krizë dhe jo si ndërtimtarët kryesore të paqes rajonale. Platforma njeh gjeopoilitikën rajonale. Shikoni çfarë ndodh. Bashkësia ndërkombëtare ka riparuar gati tërësisht gabimet e Konferencës së Versajës. E tani ka mbetur pa riparuar gabimi i Konferencës së Londrës që ndau në 5 pjesë kombin shqiptar. Çështja shqiptare deri tani është zgjidhur pjesërisht, koha është të zgjidhet tërësisht. Prandaj Platforma përmban domosdoshmërinë e një Konference Londër’2 por këtë hërë me pjesmarrjen e aleatit kryesor të shqiptarëve që janë SHBA’të.

Alibi News: Kjo platformë kontestohet nga njerëz të grupeve tjera që luftojnë po për të njejtin ideal? Çfarë kontestojn?

Dr. Koço Danaj: Kjo ka pak rëndësi, rëndësi ka thelbi. Rëndësi që thelbin e saj e cili është bashkimi i shqiptarëve po e përkrahin përherë e më tepër shqiptarët. Kjo është e rëndësishme.

Alibi News: Sipas jush kur do bëhet shqipëria Natyrale?

Dr. Koço Danaj: Është një proces shumë i shpejtë. Shqipëria natyrale është duke u bërë. Ne sot jemi komb gjuhësor, po bëhemi me shpejtësi komb shpirtëror. Shumë shpejt do të bëhemi edhe komb politik.

Alibi News: Me luftë apo diplomaci?

Dr. Koço Danaj: Me përjashtim të luftës, me çdo mjet tjetër demokratik, por jo vetëm me diplomaci. Pse? Përgjatë një shekulli shqiptarët kanë derdhur aq shumë gjak sa që mund të bëjnë pesë shqipëri. Ndërsa diplomacia është për politikanët, e nevojshme por e pamjaftueshme. Bashkimi kërkon në radhë të parë popullin në mbarë trojet shqiptare. Kur shqiptarët në Strugë, Kërcovë, Gostivar, Tetovë, Shkup, Kumanovë etj etj ta kërkojnë atë me mjete demokratike, të gjithë do vihen në lëvizje, politika dhe diplomacia shqiptare dhe ajo ndërkombëtare. Ne nuk duhet të presim, duhet të kërkojmë, me protesta, me peticione, me organizime mbarëkombëtare. Asnjëherë nuk do jenë shumë. Secili prej nesh, është i nevojshëm, por askush nuk ka të drejtë të thotë se jam i domosdoshëm. I domosdoshëm është vetëm bashkimi i kombit, vetëm Shqipëria natyrale.

Intervistoi: Destan Jonuzi, botues i Gazetës “Alibi News”.

KOÇO DANAJ: SHQIPTARËT DUAN NJË SHQIPËRI