SOT I KA ARDHUR KOHA BASHKIMIT KOMBËTAR!

Për t’i dhënë fund një herë e përgjithmonë degradimit të mëtutjeshëm të Republikës së Kosovës, dhe tjetërsimit të qenjes sonë Kombëtare, në këto momente duket se është i domosdoshëm, që Kuvendi i Kosovës, të thërras një seancë të Jashtëzakonshme, për të shqyrtuar rrugën e realizimit të Bashkimit të Republikës së Kosovës me Republikën e Shqipërisë, dhe pas konsultimeve në mes të institucioneve shtetërore dhe akademike, në 100 vjetorin e Pavarësisë së Shqipërisë, më 28 Nëntor 2012, kuvendet respektive të shpallin Bashkimin e dy shteteve në një SHTET të përbashkët…

RIKUJTESË

PAVARËSIA E PLOTË E KOSOVËS

AS QË MUND TË IMAGJINOHET ME REZOLUTËN 1244!

Shkruan: Sheradin Berisha - 22. 02. 2012

Në dhjetor 2007, nëpër duart e zyrtarëve të BE-së në Bruksel qarkullonte një dokument i papublikuar, të cilin e kishin përpiluar ekspertë juridik të BE-së. Në këtë dokument konstatohej se “Rezoluta 1244 do të mbetet në fuqi edhe pas shpalljes së pavarësisë nga Kuvendi i Kosovës”, sepse sipas interpretimit të tyre “1244 nuk e parandalon shpalljen e pavarësisë së Kosovës”.!!! Dhe, tani (kur këto ditë me insistimin e Beogradit dhe të Brukselit, po insistohet që Kosova në konferencat rajonale dhe më gjerë të prezentohet me GOGOLIN FUSNOTË 1244), po shihet qartë, se çfarë kurthimesh ka përgatitur për Kosovën dhe popullin Shqiptar kryeqyteti i PERANDORISË EVROPIANE! (Guxoj ta quaj PERANDORI, sepse EVROPA duket tashmë shumë qartë - se, po ndërtohet mbi bazën e perandorive të shkuara, si ajo ROMAKE, BIZANTINE, OSMANE, etj., ku popujt - etnitë e shumta që jetonin brenda tyre nuk kishin as kufij dhe as nuk ishin sovran në teritorin e tyre ku jetonin, dhe çdo gjë varej dhe frymonte sipas urdhërave dhe kërkesave të OBORRIT PERANDORAK!!!)

Lidhur me dokumentin e ekspertëve ligjor të BE-së, më 16 dhjetor 2007 (dy muaj para shpalljes së deklaratës së Pavarësisë së Kosovës, në të cilën theksohet disa herë rezoluta 1244) kam bërë një reagim, si vijon:

“Ekspertët ligjor të BE-së, ja kanë futur kotë, krejtësisht kotë!

“PAVARËSIA E KOSOVËS AS QË MUND TË IMAGJINOHET ME REZOLUTËN 1244!”

( … )

Për t’i dhënë fund një herë e përgjithmonë degradimit të mëtutjeshëm të Republikës së Kosovës, dhe tjetërsimit të qenjes sonë Kombëtare, në këto momente duket se është i domosdoshëm, që Kuvendi i Kosovës, të thërras një seancë të Jashtëzakonshme, për të shqyrtuar rrugën e realizimit të Bashkimit të Republikës së Kosovës me Republikën e Shqipërisë, dhe pas konsultimeve në mes të institucioneve shtetërore dhe akademike, në 100 vjetorin e Pavarësisë së Shqipërisë, më 28 Nëntor 2012, kuvendet respektive të shpallin Bashkimin e dy shteteve në një SHTET të përbashkët. Dikush mund të thotë, kjo është e pamundur, sepse pengohet nga faktori ndërkombëtar. JO! Kjo është plotësisht e mundur dhe legjitime! Dua të rikujtoj një fakt historik. 100 vjet më parë, edhe pse mbi 80% e territorit shqiptar ishte i pushtuar nga ushtritë: Serbo - malazeze, greke e bullgare, Kuvendi i Vlorës e shpalli Pavarësinë e Shqipërisë në kufijtë e saj ETNIK. Ndërkaq sot, cila është ajo forcë ushtarake që mund ta ndalë Bashkimin e Shqiptarëve në një SHTET. S’ka! Prandaj ta bëjmë sot, në mënyrë që nesër të mos bëhet vonë!